今日一瞓醒都接近成十點，忽忙食完食譜，睇完報紙，
又要趕住換衫出街，約左朋友到 APM 飲茶，飲完茶就等埋 "眾人師兄 " Eric Sir 一齊去出席今天下午的 Bloggers Event.
韋太相信在" 面書 " 的群組當中，大家一定認識 Eric Sir ，今次韋太很開心能夠邀請到一位對煮食有心得，又乜都得的男煮廚人倍同韋太出席及有機會見面，真係開心。
韋太還收到 Eric Sir 送給韋太一份親自焗製的蛋糕，蛋糕無潻加任何泡打粉, 香精及色素，我巳吩咐工人姐姐留待我明天早餐吃，因為唔講聲，可能明早會給老爺吃掉，就浪費左 Eric Sir 一番心意就唔好啦.....
今日的聚會由 丹麥皇冠 (Danish Crown) 贊肋，丹麥皇冠是一家國際性食品公司，生產和銷售新鮮豬肉和牛肉。今日出席的朋友，今次大有口福，原因係大家食到真係有豬味的豬肉。
大會今日請來城中名廚 : Ricky Cheung 為大家示範兩款用 Danish Crown 香港銷售的丹麥豬肋骨及梅頭豬扒, 烹調出兩款美味菜色給大家品嚐。
第一味菜色 : 鎮江排骨
排骨採用中國菜式，但配合西式醬汁，燜煮完的排骨，鬆化得來, 食入口即溶，但表面唔會燜到爛，汁味香濃得來又唔會話太鹹。
豬扒無需醃製，只用低溫烤焗，再配上蘋果芥末籽汁來蘸吃，能食出豬肉的香味。
開始前，大會都為大家準備左一些精緻的下午茶小點，好讓大家坐埋一齊傾下計及慢慢品嚐。
韋太當然找緊機會與名廚合照及與好朋友一齊合照啦 !
最後，大會更送上一份窩心的豬肉禮品包，讓我會回家可以能夠跟住名廚食譜，自行再烹調或自創幾款食豬有豬味的食譜，與家人一起細嚐。
大家唔使善慕韋太，丹麥皇冠的產品大家可以到香港各大型超市有售。記得認住丹麥皇冠個 Logo 先好買呀 !
[韋太烹飪教室] Facebook 粉絲專頁
請大家入去按 [Like]
沒有留言:
張貼留言