好容易又星期日,為左想快 d將韋太的手藝傳受給大少,韋太就盡量利用假期去教下韋大少 !
但由於韋大少仍然在病態當中,加上身體過於疲勞,韋太都係主力做的一個,大少在旁聽著教導,因為他的右手受傷,怕影響傷口。
算啦 ! 難得佢都肯企入來廚房,就放過佢一馬啦 ... 但仍然要尊心聽韋太的教學。
今餐又要煮3 餸一湯,不過今次個湯就好簡單,係煲南瓜湯,用高速煲去煲十分鐘後就去街,回來用枝攪湯棒輕鬆攪2-3分鐘,就乜渣都無晒 ! 其實大少唔鐘意飲及食南瓜的,但係無湯渣的南瓜湯,佢話飲落都似蕃茄湯,都會接受得到,無之前那麼抗拒。
主菜選擇北菇蒸滑雞,不過今次就加入大頭菜、蔥段去蒸,惹味很多 ...
另外,家常少炒一定唔少得要學生炒排骨 .. 因為學識左之後就可以變化為炒咕嚕魚塊、雞塊乜都得 . 呢些都係家中時常食到的菜色。
原本平時炒絲瓜都會加入木耳及雞柳,但係由於今餐主菜有蒸雞,所以就清清地齋炒絲瓜及木耳。
韋太食後評語 :
1. 個湯清清地又無渣又有營養,平日多煲都好。
2. 生炒骨味道剛好,但係汁就杰身左少少。
3. 蒸雞夠滑,冬菇吸晒啲汁,好夠味。
4. 絲瓜味道不太好,可能下次最好加少少肉去炒。
沒有留言:
張貼留言