2015年5月11日 星期一

2012年 - 淘大產品食譜推介 - (2) - 梅菜草菇炒豬柳

明天 9月14日 (星期五),請大家留意以下三份報紙,韋太會有好食譜介紹 ,刊登在這三份報紙內, [頭條日報] 、[蘋果日報] 或 [東方日報]  
有興趣跟韋太學煮餸,就快啲取份免費報紙睇下或上淘大網站內查看啦 !
***************************
又過左兩個星期無同大家見面。今次大家又估唔估到今期又用左邊款簡易醬料去做菜呢 ?
其實煮中菜要配搭的醬料,來來去去都係得幾款,食落可能唔覺得有乜野咁特別。
但係韋太家中的三位大少爺,食乜都要好,先係要碟菜上菜的款色要吸引,其次係味道要好味。要好味,當然係要下一番功夫去配合啦 ....
點配合 ? 當然係要從營養健康的角度去諗,買些無基因改造,選用天然黑糖製造的頭遍鼓油都然係最好及好味啦 ! 
講明係頭遍當然係好野。唔明講乜 ? 頭啖湯知係乜掛 ? 咁 ... 頭遍咪即係第一次造起的鼓油,濃度夠,當然好味好多 !

今次教大家煮的菜色,相信平日大家唔會這樣去煮,因為梅菜係大家心目中巳定左只係做梅菜肉餅,梅菜燜豬肉或梅菜蒸鯇魚 ..... 而無諗過用梅菜切粒去炒菜 ??
呢個梅菜草菇炒豬柳,味道非常之惹味。用埋淘大的極純蠔油去令草菇更入味。
簡直係 Yummy !

 材料非常次簡單 :

[淘大] 公司為了方便大家,在其公司網站加插左一個 Bloggers專欄。
韋太慶幸被邀請定期在網內介紹新穎及簡易的食譜給大家。
大家更可以隨時用手機上網,查看今晚或明晚煮乜餸。只要家中常備淘大醬汁,煮餸話咁易就安排好。
淘大網站 http://www.amoy.com/tc/index.php
今期韋太介紹食譜    -->   請按這裡

淘大頭遍甜油而家在惠康超市做緊推廣,每枝以優惠價 $ 7.90 發售。大家快啲去快番枝試下啦 !  

梅菜草菇炒豬柳
準備材料
梅頭豬柳300克, 甜梅菜 70 克, 甘筍10片, 草菇120克,乾蔥茸1茶匙,蔥粒適量,薑片2片,紹興酒1茶匙,水1杯
糖1/4 茶匙,水1湯匙, 生粉1/2 茶匙, 淘大金標生抽 1/2 湯匙,淘大極品純芝麻油少許
淘大頭遍甜豉油1湯匙,淘大極醇蠔油2湯匙,糖1/2茶匙,紹興酒1茶匙,水4湯匙
粟粉1/4 茶匙, 水1/2湯匙
  1. 甜梅菜浸30分鐘,抺乾水份切粒。豬柳切片,加入醃料醃15分鐘
  2. 煮滾1杯水,加入紹興酒、薑片、甘筍煮2分鐘。加入草菇煮1分鐘,盛起瀝乾水
  3. 燒熱油1湯匙,爆香乾蔥茸爆香,加入豬柳炒至八成熟,盛起
  4. 另燒熱油1湯匙,下梅菜略炒,再將草菇、甘筍及調味汁料加入炒勻,再加入豬柳炒2-3分鐘,加入蔥粒及芡汁,炒至略乾,即成
  5. *可以紅椒代替甘筍
要去除草菇的苦澀味,可用薑片及酒去汞水



多謝各位 Fans 支持 ! 



[韋太烹飪教室] Facebook 粉絲專頁
請大家入去按 [Like]


沒有留言:

張貼留言