前幾天找回一個食譜, 其實係想做好耐, 但自己遲遲都未去做, 自從上次病左成2星期,康復後放工回家乜都無做, 所以見個食譜好簡單就即時下午叫工人姐姐去街市買芋頭,晚上放工回來就開工啦...
真係好似太簡單, 只係在巳切好的芋絲上加上麵粉、生粉及調味料...
食譜話2斤芋頭才整得一個正方形模, 但見材料好似太多, 只係放在一個正方模好似不對,於是就將芋頭分左兩盆去蒸, 蒸完結果係..... 2斤放在一個正方模係無錯的, 件糕會"厚身"d.
不過, 我地分左兩個模, 糕身薄左些, 但煎香後好好味架 !
* 這些相片係我食早餐時快手去影底的 *
*食譜參考網上食譜 *
芋絲糕
材料:
芋頭 2 斤 / 麪粉 7湯匙 (70g) / 生粉 7湯匙 (75g)
調味料:
鹽 1+3/4 茶匙 / 雞粉 1茶匙 / 砂糖 1湯匙
五香粉 1茶匙 / 清水 2 湯匙
麻油、 胡椒粉 各少許,
做法:
1.芋頭刨皮洗淨後切絲, 瀝乾水份後放入大碗內備用.
2.準備一個正方形或長形模, 模上搽上少許油防止黏底.
3.將調味料加入芋絲內拌勻. 然後平均倒入模內輕輕壓平, 放入蒸鍋內, 大火蒸20-25分鐘至熟.
4.糕出爐時趁熱在糕面用物件輕輕壓實, 或不壓都可以, 放涼後可切件 煎至兩面香脆即可.
為何沒有說粉是如何下的
回覆刪除