2015年5月20日 星期三

鮮奶忌廉排包

這兩天不停整包, 昨天星期六預先做左一個"麵種", 然後今天才可以去做這款麵包,網友話加左麵種d包包係好軟的, 之前一路都怕麻煩, 所以都係用直接法去搓包.
而且這款包係加入左鮮奶及忌廉, 所以更加軟滑可口.
一出爐我個仔就食左一半.... 佢話真係好好味 !!!
                        

忌廉鮮奶排包 麵種材料及製法: 高筋粉 200g // 水 125g // 即用依士 1g // 鹽 3g 做 法 : 將所有材料搓勻後, 按照平時麵糰發酵的方法搓勻成光滑麵糰, 放室溫發酵約4小時 或 先在室溫發酵2小時, 然後放入雪櫃下層發酵12小時或冷藏過夜. 發酵完成後, 將粉糰平均分約50g-60g一粒, 分6-7份, 存放在冰格, 需要用時預先放在雪櫃下層回軟 或 放室溫解凍即可使用.
 (或用保鮮袋盛著隔溫水浸至回軟) ***************************************************************************
基本麵糰材料:
 A) 高筋粉 250 g + 奶粉 10 g // 麵種 50 g
 B) 鮮奶 110 g  + 淡忌廉50 g + 糖 60 g
C) 蛋黃 1隻 + 依士 8 g + 牛油 40 g


 做法 :
1.將所有材料拌勻及搓至有筋性及表面光滑後, 進行第一次發酵30-45分鐘, 然後將麵糰排氣分成8份及滾圓放在檯面鬆弛10-15分鐘, 再搓成長條形, 最後發酵30分鐘 或至1.5倍大.

2.發酵完成後, 包面先掃上蛋汁後入爐. 用180度爐火焗約12-15分鐘.如入爐5分鐘後, 發覺包表面太上色, 可以將爐火調較低少少或在包面蓋上錫紙去焗. 注 : 由於此麵糰糖及牛油成份比較高, 糖和牛油是會令麵團重身, 阻礙了依士升發,所以依士份量相對加多左. 另,加入忌廉及蛋去做包, 麵包會軟熟及滑D.


 韋太心得 :

 由於第一次做的時侯家中沒有奶粉,所以就無加入去搓,出來效果超軟. 第二次照正常加入奶粉,但沒有第一次那麼軟的效果. 第三次就無得閒去試, 不過你地可以試左話我知啦 !



沒有留言:

張貼留言