2015年6月15日 星期一

乾燒伊麵 (酒樓風味) - 內附食譜

2015年5月16日 - 韋太在媒氣烹飪中心@ 韋太新書 

[人氣招牌家常菜] 分享會中,曾示範這道酒樓菜色 

[ 乾燒伊麵]。

由於是示範班,韋太要即場做示範要即炒這道菜及要在各參加者來到之前,30幾度在廚房開了三大鑊,每鑊炒兩大碟伊面,才能與大家分享美食。

大家可能覺得奇怪,點解韋太要親自入去廚房炒大鑊麵 ? 原因好簡單,主辨單位話這道菜要炒得好,夠鑊氣才好食,怕工作人員不能炒出鑊氣。

講真,起初韋太都怕炒唔出水準,原因係家庭式的火力確實沒有酒樓那些 [勁],但好彩,媒氣烹飪中心能提供生鐵鑊及爐頭火力夠猛,最後,韋太炒出來的 [ 乾燒伊麵] 不油不膩,色香味俱全,大家都贊不絕口,還說炒得比酒樓更加出色 !
當天韋太都即場請出一位嘉賓出來一齊炒,大家都能炒出 [鑊] 氣來 !

所以,這道菜色大受好平及值得大家一試及推介 ! 
人氣招牌家常菜內,還有很多酒樓菜色,是一本值得擁有的食譜,一書在手,隨時隨地都可以做出酒家的菜色 ! 




** 最重要係材料簡單,記得燒熱隻鑊去炒就一定成功  ! *



食譜來自: 人氣招牌家常菜
作者: 韋太

烹煮時間: 10分鐘
份量: 2人份量



材料:
伊麵     180
熟冬菇   2  (切絲)
磨菇片   80
韭黃     30
蝦米茸  1茶匙 (要幼粒及乾身) 改用大地魚粉代替


調味料:
上湯   200毫升   
雞粉   1茶匙 
     1/4 茶匙
砂糖   1/2 茶匙         
蠔油   2湯匙
老抽   1湯匙




做法:
1.  燒熱一鍋熱水,水滾將伊麵放入,煮2-3分至軟身即時盛起,瀝乾水份。
2. 燒熱鑊落少許油,將蝦米爆香,然後加入冬菇絲、磨菇炒勻,加入調味料煮滾後,將伊麵加入改中慢火燜煮2分鐘及試味,最後加入韭黃再煮1分鐘及開大火將汁液收乾,上碟。


小貼士:
市面出售的伊麵大小不一,調味料的份量要自行略調,顏色唔夠可以加多一點老抽。